2020 թվականի դեկտեմբերի 8-ին մարվեց և շրջանառության մեջ դրվեց մեկ նամականիշ՝ նվիրված «Ավրորա» մարդասիրական նախաձեռնություն. «Ավրորա» մրցանակի դափնեկիրներ. Միրզա Դինայի» թեմային:

Նամականիշի մարումն իրականացրեցին Հայաստանի Հանրապետության բարձր տեխնոլոգիական արդյունաբերության նախարարի տեղակալ Ստեփան Ծատուրյանը, «Ավրորա» մարդասիրական նախաձեռնության ղեկավար Նիկոլա Ստանիշը, 2019 թվականի «Ավրորա» մրցանակի դափնեկիր Միրզա Դինային, «Հայփոստ» ՓԲԸ-ի Գլխավոր գործադիր տնօրեն Հայկ Կարապետյանը, Ֆիլատելիստների հայկական ասոցիացիայի նախագահ Հովիկ Մուսայելյանը:

Փոստային նամականիշն ունի 350 դրամ անվանական արժեք: Այն տպագրված է Ֆրանսիայի “Cartor” տպագրատանը՝ 12 000 տպաքանակով: Նամականիշի հեղինակն է «Ավրորա» նախաձեռնության դիզայներ Ալլա Մինգալյովան:

Փոստային նամականիշի հետ մեկտեղ «ՀայՓոստ» ՓԲԸ-ն թողարկել է 150 ՀՀ դրամ արժողությամբ նվիրատվության կտրոն: Կտրոնների վաճառքից գոյացած հասույթը «Հայփոստ» ՓԲԸ-ն կփոխանցի «Ավրորա» մարդասիրական նախաձեռնությանը:

Նամականիշի վրա պատկերված է «Ավրորա» մրցանակի չորրորդ դափնեկիր, «Լյուֆթբրյուքե Իրաք» («Օդային կամուրջ Իրաք») մարդասիրական կազմակերպության համահիմնադիր և տնօրեն, եզդի ակտիվիստՄիրզա Դինային, ով աշխատում է «Իսլամական պետություն» (ԻՊ) ահաբեկչական խմբավորման զոհերի հետ: Նա հազարավոր կանանց և երեխաների է փրկել Իրաքի պատերազմի ժամանակ: Ռիսկի ենթարկելով սեփական կյանքը՝ նա անձամբ է մարդկանց փրկել և տեղափոխել ԻՊ հսկողության տակ գտնվող տարածքներից, որից հետո նրա «Լյուֆթբրյուքե Իրաք» կազմակերպությունը նրանց անհրաժեշտ աջակցություն և բուժօգնություն էր տրամադրում:

Թողարկման օրը08 դեկտեմբերի 2020թ. Դիզայնը՝ Ալլա Մինգալյովայի Տպարանը Cartor, Ֆրանսիա
Չափսերը` 50,0 x 50,0 մմ
Մեկ թերթի վրա՝ 6 հ.
Տպաքանակը՝ 12 000 հ.

«Հայփոստ» ՓԲԸ