Ինտերնետի 25-ամյակը Հայաստանում
Ինտերնետը ամենահզոր հայտնագործություններից մեկն է, որը փոխել է մարդկության կյանքի ընթացքը։ Դժվար է պատկերացնել ժամանակակից մարդու առօրյան առանց համացանցի հետ հաղորդակցման։
Հայաստանում ինտերնետի ներդրումից անցել է 25 տարի և երբ փորձում ես արձանագրել այն դրական գործոնները, որ իր հետ բերել է համացանցը դժվար ընկալել, որ այսքան կարճ ժամանակահատվածում այն կարող է այդպիսի հեղափոխական փոփոխությունների հանգեցնել։
Երբ այն նոր էր մտել շրջանառության մեջ, շատերը նույնիսկ չէին կասկածում, որ մի քանի տարի անց առանց համացանցի իրենց կյանքը անլիարժեք է լինելու։
Այսօր մենք հպարտանում ենք տեղեկատվական և հեռահաղորդակցային ոլորտի հաջողություններով Հայաստանում, որը ՀՆԱ-ի մեջ ներկայումս կազմում է շուրջ 4%: Ոլորտում գործում են մոտ 850 ընկերություններ, որոնց 60%-ը հիմնված են օտարերկրյա կապիտալի վրա։ Շուրջ 20․000 որակյալ կադրեր են աշխատում Հայաստանյան ՏՀՏ աշխատաշուկայում։ Եվ անշուշտ այս ամենին մենք չէինք հասնի եթե չլինեին ինտերնետի կողմից տրվող նոր հնարավորությունները։
Այս տարիների ընթացքում Հայաստանում ինտերներտը ինչպես որակի այնպես էլ սակագների առումով շատ մեծ առաջընթաց է արձանագրել։
Առիթից օգտվելով, ուզում եմ շնորհակալություն հայտնել բոլոր այն մարդկանց, ովքեր այս տարիների ընթացքում իրենց գիտելիքները և փորձը ի նպաստ բերեցին Հայաստանում ինտենետի զարգացման համար։
Շնորհավորում եմ հայ հանրությանը՝ Հայաստանում համացանցի ներդրման 25-ամյակի կապակցությամբ և ցանկանում եմ, որ այն ապագայում նոր հնարավորություններ ընձեռնի մեր երկրի տնտեսության զարգացման համար։
06.09.2019
Հովիկ Մուսայելյան
Հայաստանի Ազգային պոլիտեխնիկական համալսարանի
Հոգաբարձուների խորհրդի նախագահ,
«Սինոփսիս Արմենիա» ՓԲԸ, տնօրեն
Hovik Musayelyan's Blog 