ՀՀ Վարչապետ Նիկոլ Փաշինյանն այսօր «Սինոփսիս Արմենիա» գիտահետազոտական կենտրոնում է՝ ծանոթանալու տեղեկատվական տեխնոլոգիաների ոլորտում ընկերության ձեռքբերումներին եւ առաջարկներին։ Continue reading
Education & IT
Սինոփսիսի շրջանավարտների ավարտական հանդիսավոր արարողություն, 15․12․2017
ՏՏ ոլորտում ամենամյա կրթական պարգեւ լավագույն ուսանողներին եւ աշակերտներին, 26.10.2017
Կառավարությունը պետք է նպաստավոր միջավայր ստեղծի՝ մասնավորի և համալսարանների արդյունավետ համագործակցության համար. Հովիկ Մուսայելյան
«Սինոփսիս Արմենիա» ՓԲԸ տնօրեն Հովիկ Մուսայելյանը դրական է համարում, որ վարչապետ Կարեն Կարապետյանը բարձրացրել է աշխատաշուկայի պահանջարկին կրթական համակարգի համապատասխանության հարցը. Tert.am-ի հետ զրույցում Մուսայելյանը նշեց, որ Հայաստանում որակյալ կադրերի պակաս կա:
Նշենք, որ վարչապետն ասել էր, թե կրթական համակարգը շուկայի պահանջներին դեռ շատ վատ է արձագանքում: «Մենք այսօր բազմաթիվ ոլորտներում՝ թե՛ գերակա՝ ՏՏ, թեթև արդյունաբերություն, թե՛ այլ ոլորտներում, ունենք մասնագետների պակաս»,-ասել է վարչապետը:
Տեխնոլոգիական համալսարանը կապահովի որակյալ մասնագետներով, ինչի պակասը ՀՀ-ում կա
«Սինոփսիս Արմենիա» ընկերության տնօրեն Հովիկ Մուսայելյանը Tert.am-ի հետ զրույցում հայտնեց, որ քննարկումներ են ընթանում տեխնոլոգիական համալսարան ունենալու ուղղությամբ:
«Այսօր ունենք բուհեր, որ տեխնիկական ուղղվածության մասնագետներ են պատրաստում, բայց մենք կարծում ենք, որ տեխնոլոգիական համալսարան ունենալու անհրաժեշտություն ունենք, որովհետև դա ենթադրում է բուհական որակյալ կրթություն, իսկ դրա պակասն այսօր Հայաստանում կա»,-ասաց նա և նշեց, որ տեղեկատվական հեռահաղորդակցային տեխնոլոգիաների միությունը հանձն է առել տեխնոլոգիական համալսարանի կոնցեպցիայի մշակումը և հիմնական թեզերը վարչապետին ներկայացրել են:
Continue reading
ՏՏ ոլորտի ռեսուրսների «գույքագրում», որակյալ կրթություն, և կարող ենք աշխարհը շուռ տալ. Հովիկ Մուսայելյան, 28 Նոյեմբերի 2016
Yerkir.am-ը ՏՏ ոլորտի ներկա վիճակի, խնդիրների և ռազմավարության շուրջ զրուցել է «Սինոփսիս Արմենիա» ընկերության տնօրեն Հովիկ Մուսայելյանի հետ:
– Պարո’ն Մուսայելյան, ՏՏ ոլորտը համարվում է Հայաստանում համեմատաբար արագ զարգացող ճյուղերից մեկը: Ինչպե՞ս եք գնահատում ոլորտի ներկայիս վիճակը, եթե համեմատելու լինենք համաշխարհային զարգացումների հետ, կարողանո՞ւմ ենք համընթաց քայլել, թե՞ «վազում ենք» զարգացումների հետևից:
– Երբ խոսում ենք ՏՏ ոլորտի զարգացումների մասին, թե մենք ինչ մրցակցային առավելություններ ունենք, միշտ պետք է հստակեցնենք, թե ՏՏ որ ճյուղի մասին ենք խոսում: Մասնավորապես` եթե խոսքը միկրոէլեկտրոնային սխեմաների նախագծման ասպարեզի մասին է, ապա մենք ակնհայտ առավելություններ ունենք. համաշխարհային երեք գիգանտներից երկուսը Հայաստանում ունեն իրենց գիտահետազոտական կենտրոնները, մինչդեռ` ոլորտի մյուս ճյուղերը գտնվում են հարաբերական հաջողությունների դաշտում: Continue reading
Նախագահի պարգև` միայն արժանիներին
Մրցույթին կարող են մասնակցել 5 բուհերի ուսանողները, և մի քանի վարժարանների սաներ: Նրանք մրցելու են 6 անվանակարգերում` Լավագույն ասպիրանտ, մագիստրոս, բակալավր, սփյուռքահայ ուսանող, լավագույն ուսանողուհի և լավագույն աշակերտ: Սահմանվել է նաև Գլխավոր մրցանակ: Հաղթողները կստանան դիպլոմներ, մինչև 1000 դոլարին համարժեք դրամ դրամական պարգև և ՏՏ ոլորտի հուշախորհրդանիշ:
2015թ-ին մրցույթն անցկացվելու է 11-րդ անգամ` հունիսի 6-ից հուլիսի 3-ը: Հաղթողների մրցանակաբաշխությունը կկայանա հոկտեմբերին:
ՏՏ ոլորտում ՀՀ Նախագահի մրցանակաբաշխությունն օգնում է աշակերտներին կողմնորոշվել մասնագիտական ընտրության հարցում
ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Հայ-ռուսական (սլավոնական) համալսարանում (ՀՌՍՀ) մայիսի 5-ին տեղի ունեցավ տեղեկատվական տեխնոլոգիաների ոլորտում ՀՀ Նախագահի ամենամյա 11-րդ կրթական պարգեւ մրցանակաբաշխության հանձնաժողովի անդամների ամենամյա ավանդական հանդիպումը 2015 թվականի մրցանակների հավակնորդների հետ:
Մրցանակաբաշխության հանձնաժողովի նախագահ, «Սինոփսիս Արեմնիա» ՓԲԸ-ի տնօրեն Հովիկ Մուսայելյանը նշեց, որ մրցույթի նպատակն է աշակերտներին օգնել ճիշտ որոշում կայացնել իրենց մասնագիտական կողմնորոշման հարցում: «Ես շատ անգամ եմ լսել, որ ֆիզիկամաթեմատիկական միջազգային օլիմպիադաներում մրցանակներ շահած աշակերտները հետագայում ընտրել են հումանիտար ուղղություն, ինչն անընդունել է, քանզի այդպիսի անձինք օժտված են բոլոր անհրաժեշը ունակություններով՝ տեղեկատվական ոլորտում մեծ հաջողություններ գրանցելու համար»,-«Արմենպրեսի»-ի հաղորդմամբ՝ նշեց նա եւ հավելեց, որ անցած տասը տարիների ընթացքում պարգեւների է արժենացել 322 ուսանող եւ աշակերտ: Continue reading
ՏՏ ոլորտը զարգացնելու նպատակով սեպտեմբերից 5 դպրոցում 3 նոր առարկա կդասավանդվի
2015թ-ի սեպտեմբերի Հայաստանի ֆիզիկամաթեմատիկական ուղղվածության հինգ դպրոցներում պիլոտային ծրագիր կանցկացվի, որի շրջանակում ավագ դասարաններում որպես պարտադիր առարկա կներմուծվեն և կդասավանդվեն միկրոէլեկտրոնիկա, ծրագրավորում և հեռահաղորդակցություն: Այս մասին Tert.am-ի հետ զրույցում ասաց «Սինոփսիս Արմենիա» ընկերության գործադիր տնօրեն Հովիկ Մուսայելյանը:
«Նախաձեռնությունը պատկանում է «Սինոփսիս Արմենիա», «Վիվասել» և «Յունիքոմփ» ընկերություններին: Ծրագիրը աննախադեպ է նրանով, որ աշխարհում չկա նման բան, որ այս առարկաները դպրոցում պարտադիր ուսուցման մեջ ներառված լինեն: Կարծում եմ, որ տարիների ընթացքում այս դպրոցների քանակը կավելանա, և սա կարող է շախմատի ֆենոմենը կրկնել ՏՏ ոլորտում»,-ասաց նա: Continue reading
Հայ երեխան և ներկա ժամանակը
Բուհերի և մի շարք առաջատար դպրոցների աշակերտների միջև ՏՏ ոլորտում ՀՀ նախագահի մրցանակի հավակնոր դների ընտրություն: Լրագրողը պատմում է ընտրող հանձնաժողովի աշխատանքների մասին: Բարդ ընտրության արդյունքում արդեն հայտնի են տարբեր անվանակարգերի հաղթողները: Երբ երեխաների ներկա ժամանակը դիտարկում ենք հեռու և մոտիկ անցյալների իրողությունն երի համեմատության մեջ, երբ հայ երեխաների ճակատագրերին առնչվող և դրանք հիմնավորապես որոշող պատմական, սոցիալական, մշակութային, առավել ևս` անցյալի սահմռկեցուցիչ դիվային իրադարձություններում մարտնչած, գոյություն պահպանած, կամ` զարգացող, բարձունքների ձգտումներով հաղթանակող մերօրյա պայծառ հայորդիներին ներկայացնող հոդվածները կողք-կողքի ենք դնում` այսօրվա յուրաքանչյուր հայ երեխայի մեջ տեսնում ենք նաև հեռու և մոտիկ անցյալների կորուսյալ հայորդիներին: Կարծես թե բոլորն էլ գիտեն հայ երեխայի կերպարն ամբողջացնող այս զուտ հայկական գաղտնիքը…
Բուհերի և մի շարք առաջատար դպրոցների աշակերտների միջև ՏՏ ոլորտում ՀՀ նախագահի մրցանակի հավակնորդների ընտրություն: Լրագրողը պատմում է ընտրող հանձնաժողովի աշխատանքների մասին: Բարդ ընտրության արդյունքում արդեն հայտնի են տարբեր անվանակարգերի հաղթողները:
- «Հայերի ուժը ոգին է: Ճիշտ քաղաքականություն իրականացնելու դեպքում հայը հզոր կլինի» – ասում է հայ դպրոցականը:
- «Երեխան պիտի իր հայրենիքում մեծանա»-վստահ է ծնողների կամքով օտարության մեջ մանկությունն անցկացրած հայ ուսանողուհին:
- «Հայաստանն ինքն է իր բարեկամը», ասաց հայ երեխան, երբ նրան խնդրեցին թվարկել մեր երկրի բարեկամներին ու ոչ բարեկամներին:
