Հայաստանը կովկասյան տարածաշրջանում հայտնի է իր ձեւավորած ֆիլատելիստական հետաքրքիր ավանդույթներով, որոնք վերականգնելու եւ զարգացնելու ուղղությամբ մեր երկիրը ակտիվ աշխատանք է տանում: Սակայն, Հայաստանի ֆիլատելիստների միության նախագահ Հովիկ Մուսայելյանի խեսքով, Ադրբեջանն այսօր ակնհայտորեն մի շարք իրողություններ եւ փաստեր է կեղծում նամականիշների արտադրության մեջ:
«Եթե ասելիք չունես, բնական է, որ պետք է կեղծարարությամբ զբաղվես»,-Հայաստնի Հանրապետության անկախության 20-ամյակի եւ Երեւան քաղաքի օրվան նվիրված հանրապետական ֆիլատելիստական ցուցահանդեսի փակման արարողության ժամանակ նշեց նա: Նրա խոսքով՝ Ադրբեջանում վերջերս թողարկվել են բացահայտ կեղծ թեմայով նամականիշներ՝ Կարսի պայմանագրի, ինչպես նաեւ Խոջալուում հայերի կողմից իրականացված «ցեղասպանության» մասին:
«Նրանք ամբողջ աշխարհով տարածում են կեղխ արժեքներ, մինչդեռ նամականիշները ազգային արժեք են, որոնք ներկայացնում են երկիրը, ժողովուրդը»,-իր դժգոհությունը հայտնելով՝ պարզաբանեց Մուսայելյանը:
Նա նաեւ հավելեց, որ ի տարբերություն Ադրբեջանի՝ Հայաստանում հատկապես խորհրդային տարիներին ֆիլատելիան մեծ զարգացում եւ տարածվածություն ուներ, իսկ նամականիշներն էլ բազմաժանր եւ բազմաբովանդակ էին:
Սկզբնաղբյուր` ARMENPRESS
Hovik Musayelyan's Blog 